Ràdio Lenga d’Òc es una ràdio associativa d’expression occitana. Vos prepausa un programa de difusion 24o/24 fargat d’emissions, de reportatges, de magazinas tan coma de musica e tot aquò en Occitan ! Ràdio Lenga d’Òc se vòl èsser una ràdio del Nòrd de la Mediteranèa puslèu que « sud de France » ; son agach e sa color de programacion son aital orientadas.

Enrasigada sus sos teritòris, RLO se balha tanben coma mission de faire rebat de la creacion culturala occitana e locala. La difusion culturala, de promocion dau patrimòni ten tanben al colectage e a la salvagarda del nòstre patrimòni cultural imaterial, lo famós PCI.