ENTREVISTAS : Prèmi literari Calandreta a Nimes

La Quatrena Passejada Literària de Calandreta se debanèt en aqueste divendres 10 de mai al Mas de Boulbon a Nimes. Un eveniment per la remesa del Prèmi Literari Calandreta, que comencèt a l’escola Calandreta Dagtenca fa 5 ans e que ongan, amb la participacion de la Calandreta Aimat Serre, recampèt tanben las escòlas Caladreta dal Clapas e Calandreta Granatièra, d’Aurenja.

Foguèron 12 libres seleccionats per los lectors e lectrises de las mairalas en passant pel cicle 2 e lo cicle 3 e mai 4 òbras dirigidas al public adulte.

Vaquí los 4 libres premiats :

Mairalas – De qual es ? – Marie Odile Dumeaux – Cap Òc

Cicle 2 – Jòrdi Pescaluna – Daniel Pagès – L’Ametlièr

Cicle 3 – Las tres pomas d’irange – Andrieu Lagarda – Edicions Letras d’Òc

Literatura Adultes – Aital fasèm – Sèrgi Viaule – IEO

La tòca del prèmi es de formar un public capable d’apreciar la literatura e de faire de criticas elaboradas a prepaus de la literatura occitana e de segur, de promòure e faire conèisser las produccions actualas en lenga nòstra.

Ràdio Lenga d’Òc Montpelhièr i èra e vos convidam d’apreciar las entrevistas realizadas pendent l’emission Miègjornau mas tanben dins la tantossada en aquesta jornada de Prèmi Literari Calandreta.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *