LO MIÈGJORNAU

Responsabla de la cooperacion e servicis als professionals, Sandra nos convida per las activitats del CIRDÒC a l’entorn de las Jornadas europencas del patrimòni, los 18 e 19 de setembre de 2020. Pr’amor de la crisi sanitària, es conselhat de se marcar, las plaças son limitadas.

Co-president del moviment Occitanie País Nòstre, Joan Pèire nos convida per lor primièr congrès que se tendrà a Tolosa lo dissabte 19 de setembre a l’entorn de l’ecologia, descentralizacion, economia e ensenhament.

Cap de redaccion de la Revista Patrimòni, Bernard nos presenta l’edicion 88 dels meses de setembre e otobre. L’entrevista se clava amb lo tèma de las Jornadas europencas del patrimòni.