Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Lisa GRÒS
La presidenta d’aquesta television associativa TEVEOC nos presenta l’emission Lengad’Oc d’aquesta setmana a l’entorn de las musicas del cantaire Pièire Mathes.
Cronicar lo temps es la cronica signada per Joan Loís BLENET, presenta dins las edicions dels dimenges del jornal Midi Libre. Lo tèma d’ara es lo Donald Trump e una enquista sus son electorat.
Clément CHAUVET
L’artista, cantaire e percussionista del grop Du Bartàs nos parla de la fin del grop, prevista per l’estiu de 2021 e mai nos presenta las actualitats de l’Agéncia Sirventés.
Danis CHAPDUELH
Lo cap de redaccion de la revista Lo Diari nos parla del numèro 59 que sortís naquela debuta d’annada e tanben nos balha una explica sus la tòca de la revista.
