Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Cristòu DAURORE
L’animator cultural nos balha d’unas actualitats del país Nissard. Lo 06 de mai aurà una jornada de las bonas a Nissa, emplenada d’istòria e d’espòrt. Una conferéncia a l’entorn de Catarina Segurana tre lo matin. E de mancar pas la partida de buta bala Nissa vs. Rennes lo dissabte 06 de mai a partir de 5 oras del vespre en dirècte sus Ràdio Lengad’Òc e sus Ràdio Nissa Pantai. Commentat per Ciril Joanin, Cristòu Daurore e Diana Veiner.
Alain PIERRE
N’aquesta setmana l’emission Adishatz nos prepausa de rescontrar lo professor emerit d’occitan Jan Peir Laliman. El va abordar 3 tèmas plan interessants : la cançon Jan de la Reula, l’Armanac Gascon e mai los Capdeths de Gasconha. D’ausir aquí sus Ràdio Lengad’Òc cada dimècres a 9 oras del ser.
Luc AZAIS
Membre de l’associacion Tifa Tafa Tafanari, nos presenta lo contengut del festenal occitan Mai que mai, que se tendrà del 17 cap al 21 de mai al despart de Olargues, en passant per Saint Julien e Colombières sus Òrb.
Per se marcar al estagis e per aver lo tot plen d’informacions mercés d’escriure al mèl tafanari@orange.fr