Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Jean Marc ZENON
Lo president de l’associacion Pavid’Òc nos balha lo resson d’unes eveniments passats e tanben nos fa las anóncias pel mes de març.
Clement BAUDRY
Lo comedian de la Fabrica Sauvatge nos ven parlar de la virada de la pèça de teatre A l’Ors ! Els seràn a Castre lo dimssabte 02 de març e a Montpelhièr lo 16 de març al Teatre de la Vista per partir ,en seguida, cap a Provença.
Sandra JUAN
Responsable de cooperacion del Cirdòc, Sandra nos assabenta sus l’annada Frederic Mistral que comença lo 18 de març en linha ! Puèi nos presenta una novèla aisina per tal de melhor s’entrevar dels eveniments prepausats per l’Institut Occitan de Cultura-Cirdòc.
Ramon FAURA-LABAT
Lo president de l’Associacion Angelets de la Tèrra nos presenta la deusena edicion de la Trobada sense fronteres. Una biais d’unir Catalonha del Nòrd e Catalonha del Sud, sens frontièras ! Ramon tanben nos parla d’unas dificultats d’oraris per estudiar lo catalan a Perpinhan e mai nos comenta la preson d’un cantaire bielorus acusat d’extremisme pr’amor que cantava la celèbra cançon l’Estaca de Lluis Llach per carrièra.
https://angeletsdelaterra.com/