Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Jérôme FRARE
Ensenhaire d’occitan al licèu Pèire Paul Riquet de Sent Orenç, sas classas de 2nd, 1ra e Terminala organizan lo 13 de març venent al licèu, una taula redonda sul subjècte « Egalitat Femna-Òme : de valors umanistas occitanas ».
Josiana BRASSAC DIJOUX
Presidenta de l’associacion Baladòc a Tula, nos parla del festival Baladoc qu’arriba a sa 9ena edicion. Un programa ric de promocion del patrimòni.
Bruno PEIRÀS
Lo poèta serà present a la prima dels Poètas a Seta lo dissabte 16 de març en duo amb lo Dominic Aussenac mai la preséncia de Miquèla Stenta. A la Balena Roge, a Seta a partir de 3 oras de la tantossada. El nos balha tanben d’unas informacions a prepaus de l’espelida de la Revista Òc del mes de març. Per vos abonar sufís de sègre lo ligam Hello Asso : https://www.helloasso.com/associations/association-pour-la-revue-oc