![Una ora de dirècte de 12:00 a 13:00 !](https://radiolengadoc.com/wp-content/uploads/2019/09/crop-0-0-1024-459-0-MIEGJORNAU-Bannière.jpg)
Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Jean Marc ZENON
Lo president de l’associacion PAVID’ÒC nos parla de l’exposicion « VIAS, d’un sègle a l’autre » que se tendrà del 1er de julhet de 2024 cap al 30 de junh de 2025. Seretz meses en fàcia de l’agach portat un còp èra pels fotografs pionièrs d’aquel art novèl dins vilatge. Veiretz l’evolucion dels paisatges, de la vida dels viassois a l’entorn de l’aiga, dels comèrcis, dels cafès, de las plaças e de la glèisa.
Facebook.
Aimat BREES
Lo cantaire es tanben parent de calandron e nos ven presentar lo programa polit del Total Festum de las escòlas Calandreta Terra Maire e Calandreta La Garriga. Seràn doas seradas de tria amb de concèrts de Djè Balèti, Mbraia, Les Peigneurs de Girafe, Le tout p’tit bal, Lo còr de la garriga, Laurent Cavalié, Barrut e Aqueles Clapàs Band. De mancar pas los 28 e 29 de junh al Siti de la Meusa, a Ginhac.
Facebook.
Jany DUBOIS
Lo parent de calandron nos presenta lo programa de la 7ena edicion de Solsticium, lo Total Festum del collectiu Inter’Cal, que reunís las escòlas Calandreta de Montpelhièr. Serà lo dissabte 22 de junh al pargue Montcalm a Montpelhièr.
Facebook.