Al Canton, a Lodeva
Per festejar un an de la dobertura d’aqueste comèrci, qu’a per tòca de vendre de pan de qualitat e de promòure la lenga occitana, serem amassa per una emission especiala.
Amb nosautres, aurem Diana Cadars que nos parlarà d’aquesta entrepresa. Lo professor d’occitan Eric Astié nos assabentarà de l’actualitat de l’ensenhament dins lo public, e d’autras causas encara. Lo musicaire Aimat Brèes nos vendrà parlar del Carnaval de Lodève, e Cristèla nos convidarà a una sesilha de massatge per nos daissar anar e nos sentir plan.
Lo Cercle Occitan de Lodève nos vendrà regalhar amb la polida lenga d’aquí, e Jul serà amb nosautres per nos presentar la metèo del jorn, aquí, sus Ràdio Lengadòc.
Sètz nombroses de nos escotar e vos mercejam per vòstra companhia. Sèm en dirècte sus Facebook, DAB+ e FM !