Lo Miègjornau d’aqueste dimars 16 de setembre es una vertadièra constellacion, amb la preséncia d’una molonada d’estelas !
Per començar, lo jornalista de l’Express a París, Michel Feltin-Palas, nos parlarà del novèl film documentari Una lenga de mai.
En seguida, de Barcelona, lo jornalista Ferriol Macip Bonet que serà a Tolosa per lo festival Fifigrot. Serà l’escasença per nosautres de tornar evocar lo Pais Invisible e lo Jornalet, lo quotidian occitan d’informacion.
Puèi, cap a Nimes, ont ne sèm presents amb la ràdio numerica, per rescontrar Patric Lapierre, que nos assabentarà de l’actualitat portada per la Marpoc.
Per clavar aquesta edicion del Miègjornau, Esteve Clerc, president de l’associacion Aquí l’Òc, nos parlarà del Carcin. Es tanben la votz de l’emission Fòra Borda.
En musica, una seleccion de tria : Nadau, La Talvera, Masc e lo grop Òc.