Es un plaser de començar una setmana novèla en vòstra companhia !
Nòstre Miègjornau vos prepausa un fum de subjèctes per aqueste diluns 6 d’octòbre de 2025.
Per començar, Veronica Fiol nos parla de l’actualitat del Cafè Occitan de Pompinha. E justament, los cafès occitans son venguts un tèma de recèrca : la cercaira Carolina Calvet nos assabenta del trabalh novèl menat a l’entorn de la socializacion, de la transmission e de l’usatge de la lenga occitana dins los encòntres dels cafès occitans.
Per clavar, directament dempuèi Tolosa, recebem lo professor d’occitan Roman Brunel, que nos parlarà de la novèla edicion del Festival Occitània.
En musica : Cocanha e CXK, que seràn lo 25 d’octòbre a las Carrièras Occitanas, e tanben Delta Sonic e Polifonic System, en concèrt al Festival Occitània.