Femnas, òmes, pichonas e pichons d’Occitània, adieu a totes !
Uèi sèm dijòus lo 9 d’octòbre de 2025, e un polit Miègjornau s’anóncia aquí sus Ràdio Lengadoc, coma de costuma !
L’annada Max Roqueta contunha e doas passejadas dins la Montpelhièr de Max Roqueta son encara dins la dralha de las comemoracions a l’entorn de l’escrivaire. Bruno Cecillon nos parla mai d’aquò.
Mercé a Sylvain Roux, que nos parla de Dordonha, e que serà amb nosautres a l’antena per nos presentar “Batèu”, la tota novèla creacion de la Compagnie Au pas du bœuf — una aventura musicala entre tradicion occitana e sons contemporanèus.
En seguida, restarem encara dins lo Perigòrd, amb Laurent Labadie, que nos parlarà d’un projècte consacrat a las voses de femnas, als territòris e als agaches crosats : es lo festival “Entre Tour et Bourg, Voix de femmes, Regards croisés”.
E per clavar nòstre Miègjornau cultural, recebrèm Sam Grolleau, del grop Barrut, que nos contarà l’actualitat del grop polifonic e de Ox’Ivent Produccion.
En musica, sens cap de dobte, s’ausirà Batèu e Barrut : un son de nauta qualitat per vòstras aurelhas occitanas !
Mercé de vòstra companhiá, aquí sus Ràdio Lengadoc. Ara, fasèm plaça a una pichona metèo, seguida de la tièra classica de las actualitats !