Sèm lo diluns 13 d’octòbre e dins aquesta edicion del Miègjornau, se parla de Carrièras Occitanas amb Anaèl Garcia Drieu.
En seguida, dempuèi Cordas d’Albigés, Daniel Loddo de La Talvera nos presentarà lo catalòg d’exposicions sus l’Occitània e sa cultura, una bèla invitacion a descobrir la riquesa del patrimòni occitan.
E per clavar, una question d’actualitat e d’umanitat amb Roger Grangeaud de La Cimade de Narbona, que nos parlarà d’una accion simbolica intitulada « Una fila d’espèra », destinada a denonciar la violéncia e l’absurditat dels percorses administratius per las demandas de regularizacion.