Bonjorn a totas e a totes, e benvenguda dins lo Miègjornau sus Ràdio Lengad’Òc!
Uèi, anam cabussar al còr del patrimòni, de la transmission, de l’engatjament associatiu e per que pas de la preséncia de la lenga occitana. Una associacion sonada Acanthe es a l’òbra amb los los estudiants d’un Mastèr « Patrimòni », d’estudiants fòrça motivats, un ancoratge local al Pojet (Le Pouget), una dimenjada dedicada al patrimòni, e plan d’autres obradors encara.
Aurem l’escasença d’evocar: perqué tot aquò, coma, amb que, e per que objectius. Demoratz amb nosautres, s’aviam sulcòp!
Sèm aicí amb las ligairas de comunicacion Abrée Do, Maud Fourny-Mahy, e Thibaud Michel, lo tresaurier de l’associacion. Puèi que se parla de patrimòni,
en musica ai causit de cançons emblematicas del patrimòni occitan interpretadas per La Talvera, Cocanha e La Mal Coiffée.
Ramada en 1993, l’associacion Acant amassa los estudiants del Mastèr professional Valorizacion e Mediacion dels Patrimònis de l’Universitat de Montpelhièr Paul-Valéry. Beneficiant d’una longa experiéncia e del sosten dels actors culturals locals, contribuïm de faiçon activa a la mesa en valor del patrimòni natural e cultural dins tota la region Occitània.