Aqueste dijòus 15 de genièr de 2026, dins l’encastre de mon enquista sus aquelas e aqueles que fan viure un luòc occitan de cultura lèu emblematic — ont se crestam e s’encontran la Companhia TIO La Rampa e Ràdio Lengadoc — ai la joia de recéber Lucas Dulac, tecnician d’antena, responsable de programacion e votz familhara del Miègjornau.
Arribat al monde occitan per passion e per conviccion, Lucas s’es format al CFPO de Besièrs, ont apren la lenga amb exigéncia e plaser. Lo sieu investiment dins lo militantisme occitanista se pòt legir tan dins l’espaci public coma dins l’onda radiofonica. Aime la lenga, aime la musica, aime la cultura viva, e participèt al reviscolament e a la dinamica d’un mèdia que, amb simplicitat e fòrça, fa sonar l’occitan al quotidian.
Entre son percors personal, son aprendissatge lingüistic, sa vision de la radio, sos collègas e la question de la programacion musicala — sens doblidar sa seleccion dels títols occitans que l’acompanhan — aquesta charradissa se vòl una pòrta dobèrta sus la radio militanta, culturala e populara, e sus l’energia dels joves que fan viure l’occitan a l’ora d’ara. Tanben dins aquesta edicion la participacion de l4establiment Leon Cordas e Bruno Cecillon per l’actualitat de Ràdio Lengad’Òc !
Dins la seleccion de Lucas Dulac anam escotar : Mbraia CXK, Coriandre e Barrut !