Femnas, òmes, pichòtas e pichons d’òc, cossí anatz ?
Aquí, aqueste divendres, nos ven clavar una setmana que foguèt plan cargada: avèm recebut una molonada de convidats, e uèi serà pas diferent !
Per aqueste Miègjornau del 23 de genièr de 2026, aurem la jòia de far una tièra d’entrevistas a l’entorn del Festival de Teatre Nòu, que se tendrà a Sant Africa del 3 al 7 de febrièr.
Ròdin Kauffman i serà per vos presentar Amor Club, e serà amb nosautres al telefòn per nos contar los detalhs d’aquesta pèça que nos parla de Flamenca, d’amor, de videojòcs e d’autras causas mai.
En seguida, Ives Durand nos farà descobrir l’istòria del Festival Nòu, atal coma las informacions practicas per totes los apassionats de teatre viu en occitan.
Lo Miègjornau se perseguirà amb la participacion del cantaire Guillaume Lopez, amb sa creacion musicala prolifica que ven de mai en mai internacionala.
E per clavar, ela que serà amb Lo Carnaval de las Bèstias a Sant Afric per lo Festival Nòu, Severina Sarrias.
En musica: Ròdin Kauffman, Aqueles, Guillaume Lopez e La Mal Coiffée..
Vos mercejam per vòstra escota, e ara passarem a las actualitats sus Ràdio Lengadòc.