MMMETROPOLITAN #09 : Izuba Energies

Dins MMMETROPOLITAN uei, un torn per Fabregas.
A l’oest de Montpelhièr, la comuna acuelha un barri sonat Ecoparc, que sa vocacion es de prepausar de bastiments eco-responsables. Simbeu d’aqueleis entrepresas, la societat Izuba Énergies, pròcha de l’associacion Negawatt, que sosca a de scenarii de transicion energetica per fin d’abandonnar lo nucleari.

La micion d’Izuba Énergies es de conselhar lei constructors immobiliers, publics tant coma privats, per que bastiguesson d’ostaus eco-responsables. Pròva per l’exemple, son bastiment setut a Fabregas : ossatura en fusta, renforçada émé de palha, lo seti de la societat es tanben dich a energia positiva, equipat en paneus fotovoltaïcs que produson d’energia venduda a EDF.

A l’ora deis annoncias sus la transicion energetica, lei comunas de mai en mai tendon a sostener aqueleis iniciativas economicas e vectritz d’emplecs.

Rescòntre émé Eduardo Serodio, ingenior termician en cò d’Izuba Énergies.

Un reportagi de Camille Martel.

MMMETROPOLITAN #06 : Los Palhassas de Cornonterralh

Los Palhassas de Cornonterralh, mai qu’una tradicion, son los vertadièrs simbòls de la comuna. Cada annada per carnaval, lo vilatge conèis una tantossada de folia, quand los palhassas tòrnan prèner las carrièras a la perseguida daus òmes en blanc. Originária de l’edat mejan, aquesta fèsta demòra plan viva encara grácia aus estatjants que ne transmetan lo sens e l’istòria aus novèls arribants.

Un reportagi de Marius Blénet.

MMMETROPOLITAN #05 : Sys2Diag

Montpelhièr, vila istorica de medecina, vòu restar en testa de la recerca. Es ansín que fuguet creat lo Parc Euromedecine a la fin dau segle passat. Lo pargue compta de laboratòris e son ambicion es de venir un element essenciau de la recerca medicala en Euròpa. Ansín, si l’i fa d’esperimentacions, emé notadament lo laboratòri Sys2diag, laboratòri mixte entre lo CNRS e l’entrepresa Alcediag.


Sys2diag trabalha sus lo diagnostic medicau, e inventa de moiens d’ajudar au mielhs leis espitaus. Un partenariat entre lei sectors public e privat, que pren en compta chasca malhon d’una cadena que reunís cercaires, medecins e industriaus.


Una premiera experiencia lançada a Montpelhièr en 2009 tracèt la dralha dins Euròpa tota. L’ambicion afichada de la Metropòli e dei scientifics sus plaça : Crear a Montpelhièr una diagnostic Bay europenca.
Rescòntre émé Franck Molina, director de recerca au CNRS, director dau laboratòri.

Un reportagi de Camille Martel.

MMMETROPOLITAN #03 : L’olicoop intercommunale de Pignan

A Pinhan, despuèi 1939, exista l’Olicoop, Cooperativa oleicola intercommunala setuda dins la communa. L’Olicoop per recampa lei produccions d’olius de mantei comunas a l’entorn E lei tritura per produire d’òli. Es la soleta cooperativa d’aqueu biais implantada sus lo territòri de la Metropòli.

L’istòria de l’Olicoop es rica en rebombiments. En efiech, catastròfas climaticas, aleas de l’economia, malautiás deis aubres, la meteran soventei fes en dangier. Pasmens, si ten totjorn, gracias a la fidelitat dei productors e dei clients de la botiga a costat de la cooperativa.

Despuèi 2003, si li tròba d’articles eissuts de l’oliu mai tanben de produichs locaus coma de vin. Tòca d’exotisme, si li pòu tanben crompar de produichs cosmetics.

Un reportagi de Camille Martel.