Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Bertrand GROS
A Saint Cristòu dins Erau, l’associacion Los amics de la Baragonha òbra per la promocion de la cultura occitana amb corses d occitan, cafès òc, escambis e d’eveniments de pas creire ! Lo
president de l’associacion nos ven parlar dels 10 ans de la Baragonha e de la fèsta que se fa amb un café òc lo 10 de febrièr. Amb las intervencions de Peirine Alranq, Clement Baudry e Claudi Alranq lo tèma ne ser : los animals totemics. Tanben ara se fa una crida per lo collectatge documents de Carnaval e la granda fèsta popula se tendrà los 31 de març e lo 1er d’abril.
Patrick LAPIERRE
La MARPOC a per tòca d’assegurar la promocion e la continuitat de la cultura e de la lenga occitana. Uèi lo Patric nos assabenta a prepaus d’estagis, viatges, setmana occitana e mai de l’edicion 47 de l’Universitat Occitana d’Estiu. Lo 23 de març Ràdio Lengad’Òc serà a Nímes per un Miègjornau en viu dirèct. Per tot saupre : https://www..ieo30.org/
Michel NEUMILLER
Lo cap de redaccion de la Revista Aquò d’Aquí contunha son trabalh remirable e arriba al numèro 352 del mes de febrièr. Lo somari es en construccion mai avem aquí d’unes contenguts : la lei de la retirada amb un agache occitan, los corrièrs dels legeires, las Trad’Hivernales e lo centenari de Robert Lafont.
Per mai saupre, per s’abonar : aquidaqui.info