Carina MAURY
Presidenta del Collègi d’Occitania, Carina nos presenta l’actualitat d’aquesta institucion gaireben centenària. A partir del mes de febrièr, una formacion en linha serà disponible, e lo compte CPF serà acceptat. Una avançada importanta per promòure la lenga e la cultura occitanas a travèrs d’una formacion accessibla a totes.
https://collegioccitania.com/
Joan-Claude FORET e Bruno CECILLON
L’escrivan e lo comedian seràn presents amb los estudiants del departament d’occitan de l’Universitat Paul Valèry de Montpellier a Argelièrs, lo dimenge 26 de genièr. Al programa : lecturas de tèxtes de Max Roqueta per celebrar los 20 ans de sa disparicion. Una ocasion unica d’onorar aqueste grand autor occitan.
https://www.argelliers.fr/2025/01/13/le-theatre-de-max-rouquette/
Maud PUECH
L’encargada del desvolopament de l’Ofici Public de la Lenga Occitana nos comunica una rica paleta d’informacions sul dispositiu Ensenhar Professor. Aqueste programa es essencial per assegurar la transmission de la lenga e formar los ensenhaires de deman.
https://www.ofici-occitan.eu/fr/vous-souhaitez-enseigner-loccitan/dispositif-ensenhar-professeur/