Femnas, òmes, pichonas e pichons d’òc, sèm lo dimars 30 de setembre de 2025.
Es amb jòia que parlarem de l’annada Max Roqueta dins aquesta edicion, amb lo comedian Bruno Cecillon que nos farà d’anóncias novèlas.
En seguida, direccion las Valadas occitanas d’Itàlia per rescontrar Ines Cavalcanti, vicepresidenta de l’Associacion Chambra d’Oc e responsabla del sector Lenga, Cultura e Rapòrts internacionals.
Puèi, lo Jaumet, Jacky Grau, nos anonciarà la Jornada Occitana de Narbona.
Demorarem a Narbona per una entrevista amb lo cantaire Laurent Cavalié, que nos convidarà a una formacion en musica. Serà tanben l’escasença de parlar amb l’artista del festenal de las luchas popularas.
E, plan segur, tot aquò serà acompanhat de musica! Raffut, Lou Dalfin e Laurent Cavalié.