Femnas, òmes, pichonas e pichons d’òc, cossí anatz ?
Dins lo Miègjornau de Ràdio Lengad’Òc del 20 de novembre de 2025 farem un viatge del costat vivaro-alpenc amb Laurenç Revèst, que nos parlarà del libre “Quora siblan las ànimas”, edicions Poesia de Noste jos la direccion de Paulina Kamakine.
En seguida, sus la rota, anam encontrar Cristòu Daurore, que nos parlarà del Fot Pantai Niça Marselha e d’autras actualitats de Nissa Pantai.
Per clavar, una paraula de la Federacion dels Ensenhaires en Lenga Occitana amb lo president de la FELCO, Olivier Pasqueti.
En musica, una seleccion de cants de lucha e de resisténcia, pr’amor que, en aqueste moment que remembram los cinquanta ans de la mòrt de Franco, las plagas demòran encara dobèrtas. Motivés, Rafael Subirachs e Lluís Llach.