Femnas, òmes, pichonas e pichons d’Òc, cossí anatz ?
Plan vengudas e plan venguts per aqueste Miègjornau de Ràdio Lendad’Òc. Aqueste divendres 21 de novembre de 2025 avèm l’astre de vos presentar un entretèn long e plen de saber-faire occitan amb l’etnobotanista e lexicografa Josiana Ubaud. Serà aqueste ser a la Calandreta de Ginhac per una conferéncia a partir de 7 oras del ser. Dins aqueste Miègjornau, vos prepausam tanben una entrevista Bernat Mandin del Ceucle occitan setòri. Bernat nos presenta l’Almanac setòri, tot novèl, que sortiguèt aquesta setmana. En musica, La Talvera que serà a Saissac aqueste dissabte 22 de novembre. E Barrut qu’èra a Canadà e balhèt un concèrt ièr de ser a Montreal. Aquí lo somari del Miègjornau : avèm una pichona meteò e la tièra classica de las actualitats ! Bona escota a vos !