Femnas, òmes, pichons e pichonas d’òc, cossí anatz? Sèm lo diluns 05 de genièr de 2026 . Aquí es l’ora de vos desirar una bona annada, plan granada e plan acompanhada! Es amb joia que començam aqueste Miègjornau lo primièr de l’annada!
Uèi se parlarà de teatre occitan, de circ, d’Itàlia, de la Companhia TIO La Rampa amb nòstra convidada estacada al rire e a la joia: la comediana Viviana Alloco.
Bongiorno, Viviana, come stai?
Plan lo bonjorn, Viviana! Aquesta setmana, la Viviana serà amb nosautres dins nòstre espaci partatjat amb la companhiá de teatre “Tio la Rampa”, e nos farà companhia per aquesta primiera edicion del Miègjornau 2026.
En musica, aurèm un quizz de la musica italiana per ausir la polida lenga de Viviana, e tanben una seleccion amb la tota novèla cançon de Zine Trobairitz e de Lou Dalfin, doas causidas ligadas a Itàlia.