Femnas, òmes, pichonas e pichons d’òc, cossí anatz ?
Lo Miègjornau d’aqueste dimars 13 de genièr de 2026 vos prepausa l’agach occitan d’Eric Astié, professor d’occitan a Lodèva, a prepaus de la moneda disponibla per los projèctes pedagogics en occitan.
Puèi direccion Avairon per i rescontrar Bernat Verdièr, que nos presentarà l’edicion 115 de la revista Patrimòni, lo jornal del patrimòni d’Avairon e de sos vesins.
Per clavar, una passejada a Niça la bèla amb la cantaira Zine Trobairitz.
En musica, una seleccion de las bonas per acompanhar l’ambiança del Miègjornau :
Marti amb l’iconica Perqué m’an pas dich a l’escòla, Arnaud Cance que canta Bodon per rendre omenatge a Avairon, e la tota novèla cançon de Zine Trobairitz, Bessai t’i trobarai, novetat a l’antena de Ràdio Lengad’Òc.
Vos grandmerciejam per vòstra escota e vòstra participacion a la campanha de dons per Ràdio Lengad’Òc, foguèron 42 personas que nos ajudèron a viure en 2025.