L’estrena del projècte d’escòla de la Calandreta Dagtenca

L’estrena del projècte ‘’AGDE, VILA DE BONA FORTUNA’’
amb l’artista occitan Jean-Charles COUDERC en presencial
L’artista contemporanèu, Joan-Carles CODERC intervenguèt en febrièr passat a l’escòla de la
Calandreta Dagtenca . Prepausèt de talhièrs artistics als pichòts de mairala e als elementaris dins
l’encastre del projècte d’escòla  « AGDE, vila de bona fortuna ».
Aqueste projècte aguèt per tòca de permetre als escolans de s’apoderar lor patrimòni cultural, de
descobrir l’Istòria de sas carrièras singularas e de metre en valor d’un biais artistic lo centre vila
istoric d’Agde.
Una mòstra d’òbras realizadas pels calandrons serà prepausada a la M.A.G., la Mediatèca agatenca,
del 3 al 23 de junh venent.
Vint òbras occitanas reprodusidas sus tèlas bèlas seràn expausadas dins lo pargue PICHEIRE, a costat
de l’Ostal Consulari, l’Ostal del Còr de Vila.
Aquestas òbras seràn tanben disponiblas dins lo centre istoric de la vila vièlha, sus de placas,
situadas a cada endrech remarcable que los escolans e la còla pedagogica desirèron valorizar. Un
QR còde marcat sus cada placa permetrà als passejaires de descobrir o de tornar remirar, d’un biais
liure e a son biais, de que s’amaga darrièr cada luòc.
Convidam los curioses e los caminaires, aqueste dissabte 3 de junh, a 15h00, a partir de l’Ofici del
Torisme d’Agde, a seguir un desenat d’etapas dins la vila vièlha. Officializarem, amb l’ajuda del
guidaire conferencièr Arnaud SANGUY, lo percors BALUDIK que serà mes en linha en aquesta
escasença.
Aquèste projècte s’adreiça a un public escolar, als dagtencs e dagtencas e als toristas qu’auràn accès
als contenguts del percors pensat a travers la vila, abans, pendent e après l’estiu. Es prepausat en
bilingüe occitan-francés. Un mejan d’ausir e de far petar la lenga, un biais de metre a l’onor lo nòstre
parlar regional.
Vos convidam nombroses per una estrena que marcarà la concretizacion d’aqueste projècte d’escòla
qu’es a l’encòp educatiu, cultural, patrimonial e subretot federator. Lo moment per l’associacion de
la Calandreta dagtenca de mercejar d’un biais official totes los partenaris financièrs e tecnics e
subretot los nòstres pichòts artistas occitans.
Una inauguracion gaujosa es prevista dissabte que ven, lo 3 de junh, a 18h00, en musica e amb
l’artista pintre, Jean-Charles COUDERC en presencial, a la Mediatèca agatenca.
La còla pedagogica