Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Xavier VIDAL
Agéncia Sirventés & Xavier Vidal lançan una formacion professionala inspirada de la Kreiz Breizh Akademi creada per Erik Marchand. Lo tèma ne serà la musica modala. De se marcar fins a febrièr al mèl caminaires@sirventes.com
Gérard ZUCHETTO
Lo cantaire, medievalista nos balha conferéncia a l’Ostal Occitan Narbonés n’aqueste disssabte 15 de genièr a partir de 15 oras. Puèi qu’es amb nosautres al telefòn, pichona omenatge al cantaire Pèire Boissièras.
Lore PUECH
Lore Puech serà n’aqueste dissabte 15 de genièr a partir de 11 oras al Jardim de la Reina (Jardin de la Reine) a Montpelhièr per lo bal/concèrt Bal de Lo.Serà un moment de paratge a l’entorn de la Còca dels Reis.
Laurent LABADIE
Lo director artistic de l’associacion CONTA’M de doblatge en occitan nos parla dels 10 ans de trabalh e del lançament de Cirano de Brageirac. Lo public ne trobarà aquesta version occitana del film classic a partir del mes d’abril 2022 sus la plataforma ÒCVOD.
