Sèm diluns 27 d’octòbre de 2025, e lo Miègjornau d’uèi es plen de bonas causas !
Lo nòstre reportaire bolegaire, Bruno Cécillon, s’es anat passejar a Vilafranca de Roergue e nos farà lo rendut-compte de las carrièras occitanas.
La Mariana, nòstra estagiària, vos farà la metèo.
Al telefòn, Bernard Verdier nos parlarà de l’edicion novèla de la revista Patrimòni.
E directament del Bearn, lo secretari del Partit Occitan, David Grosclaude, nos portarà son analisi politica de la societat actuala.
Per clavar l’emission, parlarem de las formacions del CFPO Montanhol, lo Centre de Formacion Professionala Occitan de la region Auvèrnha-Ròse-Alps, amb Bernat Giacomo, que nos presentarà las formacions en cors.
En musica, rendrem omenatge — amb tota la còla de Ràdio Lengadòc — a Jan Maria Carlotti, que nos quitèt lo 18 d’octòbre passat.
Anam ausir Montjoia, e dos moments diferents de sa carrièra en solo, ont nos canta Robèrt Lafont e Bernart de Ventadorn.