Femnas, òmes, pichonas e pichons d’Òc, cossí anatz ?
Sèm dijòus lo 30 d’octòbre de 2025.
Vòstre Miègjornau vos prepausa uèi d’anar a Besièrs per rescontrar Maellys Muller, responsabla del departament filmotèca, iconotèca e arts visuals del CIRDÒC, que nos menarà un brieu dins aquel camin de poesia, memòria e cultura viva.
En seguida, una paraula d’actualitat de l’Educacion nacionala amb Christol Causse, inspector pedagogic regional e coordinador academic per l’occitan dins l’Acadèmia de Montpelhièr.
Per clavar, Veronica Fiol, presidenta del Cafè occitan de Pompinhan, nos parlarà de MARTROR 2025 e de la velhada del 4 de novembre.
En musica, sonque los artistas que seràn a Narbona per Viva ! : Sarai, Cocanha e Verger Cavalé.
Sètz ben sus Ràdio Lengadòc, vos grandmercèm per vòstra escota, e ara passarem a la metèo amb Mariana e las actualitats.