L’Ombreta d’Estiu, edicion especiala dins l’encastre de l’Estivada 2021.
REBAT DE FÈSTA
Los espectacles de teatre a l’Estivada, lo resson de Mélanie LAUPIES.
Bruno DURANTON
CREO Aveyron
Albert BIDAL e Paul POUGET
Lo Grelh Roergàs
Christine MONTBROUSSOUS
ADOC 12
Amic BEDEL
Entrevistat au subjècte dau mestier de l’audiovisual dins lo quau banha, nos parlèt de Piget Films, dau sieu trabalh de collectatge e sobretot de la Sèria, grand projècte de sèria televisada en occitan sus de que trabalha despí d’un brave moment. Donèt finda un regard critic sus la produccion d’Oc TV e insistèt sus la necessitat de favorizar la creacion audiovisuala.
Laurent CAVALIÉ e Marie COUMES
Espectacle ‘N’I A PRON’
Autors d’un important trabalh de collectatge au près dei militants dei Comitats d’Accions Viticòli dei ans 1960, Laurenç Cavalié e Maria Coumes nos liurèron un racònte apassionant sus d’aquel episòdi dei luchas occitani, que nos faguèt immancablament remembrar la revòuta dei vinhairons dau 1908, la lucha per lo Larzac dei ans 1970, e mai lu principis de la lucha armada en Còrsega emb l’installacion dei pens negres d’Argeria sus l’Isola de Beutat.
COLLECTIU LEVAR LENGA
Collectiu joiós e refresquissent de musicaires d’instruments rics e divèrs tipics de Roergue. Nos parlèron de la genèsa dau projècte, fondat sus de tèxts de Renat Duran e Jaumes Privat, emb lo sosten de la comuna de Rodés a l’escadença de l’Estivada.
Joan ALGANS
Interessanta entrevista emb lo representant de Oc Bi qu’expliquèt lo foncionament de l’associacion, lo sieu objècte e d’un biais mai general l’interès de prepauar un ensenhament d’occitan ai pichoi.
LO FORRA BORRA
amb Malika VERLAGUET
Entreten fòrça amaisant emb la contairitz joioa Malika VERLAGUET que respondèt sensa esitacion ai questions-trabuquet sus lo tèma de l’amor, e mai en nos faguent aprofichar d’anecdòtas personali sensuali pròpi crostilhoï. Juguèt finda lo juec dau « quizz » musical que capitèt pas tròup mau a lu morcèus presentats dificils da endevinar.
