L'escota es pas mai disponible sul site. De nos contactar per mai d'informacion.
Las actualitats d’Occitania
Platèu amb Miquèla STENTA
Uèi avèm fait un platèu a l’entorn de l’accent. La presidenta del Cèucle Occitan Setòri nos ven apondre l’opinion dels occitans de Sèta sus lo projècte de Lei del deputat d’Erau Christophe EUZET, per la valorizacion dels accents. Una letra es estada mandada al deputat.
David GROSCLAUDE
Òme politic, jornalista, David escriguèt un article sonat « Ci-Git ma langue, putaing con! » sus la politica lingüistica en França e l’allergia a la diversitat. El nos ven jònher al telefòn per nos parlar de çò que considera lo mai important de far coma projècte per las lengas.
Seguida dau platèu
Amb Miquela STENTA es lo temps de parlar de la preséncia occitana a « Escala a Sèta », de l’abséncia de responsa la Scèna Nacionala de Sèta a las demandas occitanas e mai las Municipalas 2020. Lo temps èra cortet, nos manca l’agenda del Cèucle, mai la podètz trapar aicí!
Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
