L'escota es pas mai disponible sul site. De nos contactar per mai d'informacion.
Las actualitats d’Occitania
Lo jornalista Joan Pèire LAVAL nos fa lo rebat del trabalh que mena per una plaça per l’occitan dins la politica. Las eleccions municipalas se sarran e uèi nos presenta 4 personas de listas de Garona Nauta e Gers que venon d’aderir al movement occitanista Occitanie País Nòstre.
Silvan CHABAUD
L’escrivan es vengut nos presentar son libre darrièr intitulat « Sarranas » edicions Jorn. Un recuèlh de novèlas que traversan l’istòria, amb la qualitat de lenga e la pregondor de l’autor. De mancar pas aquesta lectura !
Laurent CAVALIÉ
Cada mes d’artistas de l’Agéncia Sirventés nos presentan projèctes. Lo Duo VERGER CAVALIÉ ven de lançar l’album « Lenga d’Oliu », una conversa amb l’arbre, lo territòri l’èstre uman! Serà possible de lor espiar sus l’empont, l’acordeon de Guillem e lo cant de Laurenç lo 14 de febrièr a Azillanet.
Seguida del platèu amb Silvan CHABAUD
Benazet DAZEAS
Doas novetats ! Lo Congrès Permanent de la Lenga Occitana lança aquesta setmana lo conjugador de vèrbes en provençal e mai, el nos parla d’una novèla aisina desvolopada per la còla del Congrès: la sintèsi vocala.
Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.