Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitat d’Occitania
Lisa GRÒS
Teveoc nos prepausa per aqueste dimècres 16 de març una emission Lengad’Òc sus la Comuna de Marsilha.
Christian ANDRÈU
Sapiéncia es la primièra revista de Sciéncia e Istòria numerica en occitan. La lenga nòstra a d’aver un lòc en totes los tèmas. E en sciéncia e istòria tanben. Lo Christian es lo cap de redaccion de las revistas occitanas Sapiencia e Medievaloc e nos parla d’actualitats, de negacionisme de la sciéncia e del lançament d’un libre sus la fauna occitana.
Sandra JUAN
La responsabla de cooperacion del Cirdòc nos presenta lo contengut del eveniment numeric Voses de Femnas – Voix d’Hommes que serà presentat lo divendres 19 de març a partir de 6o30 del ser. Un eveniment a gràtis, accessible a tote public e difusat a partir de la pagina Facebook del Cirdòc.
