Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Lisa GRÒS
La presidenta de l’associacion de produccion audiovisuala en occitan TÈVÉÒC nos presenta la novèla emission Lengad’Òc : los 10 ans del Jornalet, la gaseta occitana d’informacions. Rendètz-vos lo dimecres 4 de mai a partir de 6 oras.
Alain PIERRE
L’animator de l’emission Adishatz nos congosta amb una charradissa de las bonas per nos presentar l’edicion novèla d’aquesta emission : Danís VISELLACH, cap de cosina, especialista de la cosina catalana dempuèi 36 ans.
Emission Adishatz, cada dimècres a partir de 9 oras del ser sus Ràdio Lengad’Òc o en pòdcast sus Ràdio Entre Doas Mars.
Felip HAMMEL
Membre del burèu del CFPO Region Occitanie, ancian director del Cirdòc, lo Felip nos balha las entresenhas per venir militant e membre de l’associacion. Amb sa preséncia a l’antena de Ràdio Lengad’òc, ne profiècham tanben per vos assabentar a prepaus de la novèla sason de la formacion de formators en lenga
occitana.
Ives DURAND Joan Loís BLENET
Los comedians de la companiá TIO La Rampa tòrnan amb la pèça tot public Quesaquò e Mascomprés. Ne seràn en virada a partir del 23 de mai dins Avairon, una promocion Adòc 12.