LO MIÈGJORNAU

Una ora de dirècte de 12:00 a 13:00 !
Una ora de dirècte de 12:00 a 13:00 !

Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.

2’20

Actualitats d’Occitania

2’20
9’45

Frederic FIJAC

Cap redactor de la Revista Òc, nos parla de las dificultats de faire viure aquesta publicacion de ven de la renaissença occitana e es en dialòc permanent amb d’autoras e d’autors contemporanèus. Ara es al numèro 143 e fa un resumit de l’an 2022. La publicacion de març marcarà lo centenari. De mancar pas ! Vos podètz abonar aquí !

9’45
26’12

Matiu FAURE

Agent del patrimòni immaterial de Eth Ostau Comengés, nos presenta lo programa del Festival Passa-Pòrts, que se tendrà a Sent Gaudens en Garona Nauta , en sa 18ena edicion. De musica, films, viatges, conferéncias. Del 27 de març cap al 02 d’abril. Per totas las informacions mercés de vos rendre sul site de Eth Ostau Comengés.

26’12
40’37

Bernart VERNIÈRES

Lo Bernart nos parla del Centre Occitan de País Castrés, Ostal Azalais. Son los organizaires de la Dictada Occitana que s’espandís d’en pertot en Occitània Granda. Una granda fèsta a l’entorn de la lenga e de la cultura occitanas que se realiza lo darrièr dissabte del mes de genièr. Mèfi : dins d’una vilas la data es estada cambiada ! Albi, Albocàsser, Altea, Alzira, Arle, Barcelona, Castre, Carnolas, Charreç, Crandèla, Cantal, Foish, La Vaur, Marmanda, Massiac, Maurs, Monenh, Montalban, Montbrun Boscatge, Narbona, Niça, Nímes, Orlhac, París, Rodés, Sant Flor, San Ponç de Tomièras, Sent-Èli-d’Apcher, Senta-Gabela, Sent Seren, Seteme-dei-Valons, Soston, Tolosa, Vença, Vic en Calardés e Vilafranca de Roèrgue.
Lo ligam youtube: https://www.youtube.com/@azalaiscentreoccitandelpai9148 

40’37

Laisser un commentaire

Votre adresse e-mail ne sera pas publiée.