Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Laurent CAVALIÉ
Lo musicaire faguèt un viatge a pè de 17 jorns entre Corbièras e Menerbés en companhiá de Lolita Martin, Yann Coré e un documentari-audio que se ditz Lo Cagaròl es la resulta d’aqueste trabalh. D’ausir sus Ràdio Lengad’Òc lo dijòus 27 d’abril a 9 oras del ser.
Matthieu POITAVIN
L’escrivaire e professor d’occitan es tanben un cinefile de tria e lança una cronica cinemà aquí sus Ràdio Lengad’Òc. Uèi nos conta un pauc sus aqueste trabalh novèl. De l’ausir diluns, dimècres, divendres e dimenge a 7h15 del matin e dimars, dijòus e dissabte entre 17 oras e 17h30.
Danìs CHAPDUELH
Lo cap de redaccion de la revista LoDiari nos presenta LoDiari fòra seria Joves N°2. Una edicion colorada, amb de questionament d’actualitat coma lo patriarcat, l’omofobia, los ialats socials mai tanben plaça als trobadors e a la lenga occitana, de segur. Un pauc de tot per una edicion que fin finala es per totòm qu’es encara jove per descobrir o tornar descobrir de causas. Lo Danís nos parla tanben d’un diccionari lexic tornat cap al lemosin. Establit per lo lexicografe Danís Chapduelh e editat en coedicion Novelum /Lo Congrès permanent de la lenga occitana.
Per s’abonar, per telcargar l’edicion fòra seria : lodiari.com