Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Estève CLERC
Lo president de l’associacion Aqui L’Òc nos parla del Festenal Escambis que se debanarà los 26, 27 e 28 de mai. Lo programa es tan plan cargat que polit. Se segur, es tot en occitan, qué !
Alain PIERRE
Dins l’encastre de nòstre partenariat amb Ràdio entre doas mars, avèm la jòia d’aculhir Alain Pierre per tal de descobrir lo contengut de l’emission Adishatz que n’aquesta setmana recèp lo sénher Tederic Cahuzac, qu’es lo tot premièr cargat de mission per las lengas occitana e santongeais, los dos parlars en mai del francés dins lo departament de Gironda.
Zine TROBAIRITZ
La cantaira nos parla de sos projècts : concèrts, corses de lenga nissarda, sa vida de trobairitz e fa una crida per èsser causida dins las programacions dels festenals occitans. Ne podètz començar per s’abonar a la cadena Youtube de la cantaira :
https://www.youtube.com/@Zine/about
Emilie ESQUERRÉ
La comediana ven de presentar la tota darrièra de la pèça de teatre Je ne parle pas occitan en public, ont èra sul l’empont amb Jean-Marc Foissac e Françoise Goubert . Lo tèxte ven d’una idèa originala d’Emilie Esquerré et Frédéric El Kaïm .. Fasèm un bilanç d’aquelas 5, 6 annadas de virada e descobrissèm tanben los projèctes a venir.