Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Cloé NAVAJAS
Cargada de tractament e valorizacion dels archius radiofonics e audiovisuals del Cirdòc, nos parla de la mission de collectage, numerizacion e mesa en linha d’emissions occitanas de ràdios associativas.
Bernat GIACOMO
President de l’associacion Carladés Abans nos ven convidar per la segonda edicion del festenal Deman & Passat deman. Al programa : d’artistas e dels concèrts de las musicas del monde de las musicas actualas ; de talhièrs, debats, films, jòcs, restauracion e un bal trad.
Ferriol MACIP BONET
Lo cap de redaccion del Jornalet nos parla dels cambiaments del site web. L’acessibilitat, la mesa en pagina, lo biais de comentar e lo nom que passa de « gaseta occitana d’informacions » a « quotidian occitan d’informacions ». Las mudanças del site son pas finalizadas, d’unas aisinas mancantas son condicionadas a la paga de la totalitat del trabalh. Valent a dire que lo site custa 15 mila euros e sonque la mitat es estada paga. L’ajuda de las legeiras e legeires es benvenguda aital coma la contribucion de las femnas, las grandas absentas demèst lo grand nombre de cronicaires.