Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Muriel BATBIE CASTELL
La cantaira, professora d’occitan e conselhièra municipala nos presenta lo Total Festum a Pinçaguèl. Serà los 26 e 27 de mai amb un programa variat e de segur, amb la preséncia de la lenga e de la cultura occitanas e tanben lo catalan e lo breton dins aqueste programa preparat sonque per vosautres !
Laetitia DUTECH
La cantaira de La Mal Coiffée nos conta un pauc l’istòria d’aqueste grop de femnas nascut dins lo Menerbés 20 ans fa. Ela nos parla de la jòia dins la resisténcia e de la causida politica de cantar en occitan. Rendètz-vos al bolodròme de Azilhanet lo dimenge 28 de mai a partir de 7 oras del ser.
Frederic FIJAC
Lo cap de redaccion de la revista Òc nos parla del numèro 144 d’aquesta revista centenària, clinhada a l’istorian Yan Lespoux amb lo recent libre publicat a l’entorn de Pierre Louis Berthaud. Tanben nos parla del passatge de poèta sardo Mario Cubeddu en Occitanie, de Carcassona a Salinelas.