Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Jaume FIGUERES
De Barcelona lo professor nos balha l’actualitat del Caòc, lo Cercle d’agermanament occitan catalan. En rason d’una demesida de las subvencions, passa per una dificultat financièra n’aqueste moment. Se ne volètz participar vaquí lo site : https://www.totsuma.cat/projecte/2015/el-caoc-et-necessita-ajuda-loccitanisme
Silvan CHABAUD
Lo cantaire e professor d’occitan nos parla de AN’NAGAR – lo Total Festum de l’associacion Los Somiaires, de Sant Guilhèm dau Desèrt. Serà lo dissabte 03 de junh per una serada que reunís Occitania e Senegal, de la gastronomia en passant per lor musica, amb dos grops occitans e una cantaira venguda del Senegal! Una serada de pas mancar! Per aver lo tot plen d’informacions : | https://www.facebook.com/les.soumiaires
Anissa MARRE
Encargada de comunicacion de l’associacion Ox’ivent nos presenta lo Total Frich’tum, lo Total Festum que se tendrà a La Friche Mimi, a La Veruna. Serà lo divendres 02 de junh, clinhada per lo concèrt del Djé Balèti.