Revista radiofonica realizada en partenariat amb Ràdio Occitania, Ràdio País, Ràdio Albigés, Ràdio Nissa Pantai e Ràdio Cultura del Brasil.
Actualitats d’Occitania
Annie PROUDOM
La bibliotecària de l’associacion Lo Lector del Val nos assabenta de la resulta de la 26 ena edicion del concors de novèlas. Ongan foguèron 115 participants per l’occitan ! Per descobrir los ganhants : Concours de nouvelles 2024 du Lecteur du Val (31)
Xavi MÁRQUEZ AYLLÓN
Ensenhaire de lengas romanas, didactician et sociolinguista
Doctorant en Sciencias del Langage, Dipralang, UPVM3, es a Brussèlas e nos parla del talhièr d’intercompreneson que balharà a l’Ostal d’Occitania lo dijòus 13 de junh. Lo Xavi nos balha un messatge de paratge e de convivéncia amb son saupre faire. Se lo volètz convidar per balhar son talhièr en çò vòstre, vaquí son telefonèt 0777564463 e son corric xavimarquezayllon@gmail.com
Sandra JUAN
La responsable de cooperacion del Cirdòc, l’Institut occitan de cultura nos conta lo programa del mes de junh dins nòstre parçan. Lo comedian de TIO La Rampa, Bruno Cecillon, i participa per nos parlar del teatre de Max Roqueta e la pastorala que serà en residéncia de creacion n’aquesta setmana. Facebook